"ახალი მემარჯვენეების" შიდა ქართლის რეგიონული ორგანიზაცია გორში, ყიფიანის #33-ში ბუნებრივი აირის გაჟონვის შედეგად აფეთქებული საცხოვრებელი კორპუსის სასწრაფო რეაბილიტაციას ითხოვს.

როგორც "პირWელს" "ახალი მემარჯვენეებიდან" აცნობეს, 2011 წლის 11 ოქტომბერს  გორში,  ყიფიანის #33-ში  ბუნებრივი აირის გაჟონვის შედეგად საცხოვრებელი კორპუსი აფეთქდა, რის შედეგად კორპუსის მეორე და მესამე სართულები  დაზიანდა.

"აღსანიშნავია ის ფაქტი, რომ კორპუსის რეაბილიტაციისათვის ტენდერი დიდი ხანია, გამოცხადდა, გორის მუნიციპალიტეტმა სარეზერვო ფონდიდან 163,500 ლარიც გამოყო, მაგრამ  ამ დრომდე სამშენებლო სამუშაოები არ დაწყებულა, ყიფიანის #33-ში მცხოვრებნი ხელისუფლებას უყურადღებობაში ადანაშაულებენ და კორპუსის დაუყოვნებლივ შეკეთებას მოითხოვენ. ამ მოთხოვნას "ახალი მემარჯვენეების" შიდა ქართლის რეგიონალური ორგანიზაციაც ვუერთდებით და გამოყოფილი თანხით საცხოვრებელი კორპუსის დროულად რეაბილიტაციას ვითხოვთ", - განაცხადა ორგანიზაციის ხელმძღვანელმა იოსებ ბორცვაძემ.