გლდანში "ნაციონალური მოძრაობის" მაჟორიტარობის კანდიდატი გლდანის მოქმედი გამგებელი ნიკოლოზ ხაჩირიშვილი იქნება.
"პირWელის" ინფორმაციით, გლდანში მაჟორიტარობის კანდიდატად ხაჩირიშვილის წარდგენა უკვე გადაწყვეტილია.
მისივე ცნობით, მიუხედავად იმისა, რომ ნიკოლოზ ხაჩირიშვილი ჯერ ოფიციალურად არ დაუსახელებიათ, გამგებელმა ბოლო ორი კვირის განმავლობაში ადგილობრივებთან ათამდე შეხვედრა უკვე გამართა.
შეგახსენებთ, რომ კოალიცია "ქართული ოცნების" სახელით გლდანში კენჭს სოსო ჯაჭვლიანი იყრის.
ცნობისთვის, ნიკოლოზ ხაჩირიშვილს გლდანელები კარგად იცნობენ. ის წლების განმავლობაში გლდანი-ნაძალადევის რაიონის გამგეობას ედგა სათავეში, 2010 წლის ადგილობრივი არჩევნების დროს კი, გლდანის ამომრჩევლის მხარდაჭერით საკრებულოში მოხვდა და თბილისის ადგილობრივ წარმომადგენლობაში უმრავლესობის ლიდერიც გახდა.
თელარა გელანტია











