|
პოლონეთიდან ქართველების მორიგი დეპორტაცია ხვალ იგეგმება |
|
|
|
09:21 - 09.02.2010 |
პოლონეთიდან ქართველების მორიგი დეპორტაცია ხვალ იგეგმება. ამის შესახებ პოლონეთში საქართველოს ელჩმა კონსტანტინე ქავთარაძემ განაცხადა და აქვე განმარტა, რომ დეპორტაცია ყველა იმ ქართველს შეეხება, რომლებმაც თავშესაფარი ითხოვეს, თუმცა უარი მიიღეს. დეპორტაციის შედეგად საქართველოში სპეციალური ჩარტერული რეისით 20-მდე ქართველს გამოამგზავრებენ. ამასთან, როგორც ქავთარაძე აცხადებს, პოლონეთიდან ქართველების დეპორტაციას მასობრივი ხასიათი არ აქვს და მსგავსი აქციები თვეში ორჯერ ხორციელდება. შეგახსენებთ, რომ არსებული ინფორმაციით, პოლონეთში საქართველოს 4 ათასამდე მოქალაქე იმყოფება. ისინი პოლონეთის ტერიტორიაზე თავშესაფარს ითხოვენ.
|