|
"საქართველოს ბანკი" თავის მომხმარებელს იპოთეკურ და ავტოსესხებს ლარში სთავაზობს |
|
|
|
12:15 - 09.02.2010 |
|
"საქართველოს ბანკი" მომხმარებელს იპოთეკურ და ავტოსესხებს ლარში სთავაზობს. როგორც დღეს გამართულ ბრიფინგზე "საქართველოს ბანკის" გენერალურმა დირექტორმა ირაკლი გილაურმა განაცხადა, ლარში გაცემული სესხით სარგებლობა მომხმარებელს საშუალებას მისცემს, ვალუტის კურსთა სხვაობით გამოწვეული რისკი თავიდან აიცილოს. "ახალი შეთავაზების თანახმად, 9 თებერვლიდან პირველ 100 მომხმარებელს, რომელიც "საქართველოს ბანკში" იპოთეკური სესხით ისარგებლებს, საშუალება ექნება, სესხი 15%-იანი განაკვეთით მიიღოს. სესხის აღება უძრავი ქონების შესაძენად, ასაშენებლად ან სარემონტოდ არის შესაძლებელი. სესხის ვადა 10 წელია. რაც შეეხება ავტოსესხს, მომხმარებელი, რომელიც ავტოსესხით 2010 წლის 1 მარტამდე ისარგებლებს, მას 16%-იანი განაკვეთით მიიღებს. სესხის ვადა 5 წლამდე განისაზღვრა,"- განმარტა გილაურმა. მისივე თქმით, "საქართველოს ბანკი" შედეგებს დააკვირდება და იპოთეკურის შემთხვევაში - პირველი 100 მომხმარებლის, ავტოსესხის შემთხვევაში კი 1 მარტამდე გაცემული სესხების შემდეგ საპროცენტო განაკვეთის ახალ პროცენტულ მაჩვენებელს განსაზღვრავს".
|
